Muktha Balaga

Archive for ಮೇ 2008

ಹೀಗೆ ಒಂದಿಷ್ಟು ಹಾಡು ಕೇಳುತ್ತ ಮಗನಿಗೆ ಹಾಡನ್ನು ಕೇಳಿಸುತ್ತ ಕೆಲ ಹಾಡುಗಳನ್ನು ಮೆಲುಕು ಹಾಕುತ್ತಿದ್ದೆ. ಬಾಲ್ಯದಿಂದಲು ಕೇಳಿಕೊಂಡು ಬರುತ್ತಿದ್ದ ಈ ಹಾಡು ಇಂದು ಬಹಳ ನೆನಪಾಯ್ತು. ಸಿ.ಡಿ. ಹುಡುಕಿ ಆ ಹಾಡನ್ನು ಒಂದೆರಡು ಸಲ ಕೇಳಿ ಕೇಳಿ ಬಾಲ್ಯದ ದಿನಗಳನ್ನು ನೆನಪಿಸಿಕೊಳ್ಳುತ್ತಿದ್ದೆ. ಹಾಗೆಯೇ ಆ ಹಾಡಿನಲ್ಲಿ ಬರುವ ಸಾಲುಗಳನ್ನು ನನ್ನ ಮಗ ನನಗೆ ಹಾಡಿ ಕೃಷ್ಣ ಮಾಡಿದ ಎಲ್ಲ ನಾಟಕವನ್ನು ಮಾಡಿದರೆ ಹೇಗಿರುತ್ತೆಂದು ನೆನೆದುಕೊಂಡು ಹಾಗೆ ಒಳ ಒಳಗೆ ನಕ್ಕು ಸುಮ್ಮನಾದೆ.

ಚಿತ್ರಗಳು ಸಿಕ್ಕವು , ಹಾಗಾಗಿ ಆ ಹಾಡನ್ನು ಇಲ್ಲಿ ಬರೆಯೋಣ ಎನ್ನಿಸಿತು.

 ———————————————————————————————————-

 ಅಮ್ಮ ನಾನು ದೇವರಾಣೆ ಬೆಣ್ಣೆ ಕದ್ದಿಲ್ಲಮ್ಮ, ಎಲ್ಲಾ ಸೇರಿ ನನ್ನ ಬಾಯಿಗೆ ಬೆಣ್ಣೆಯ ಮೆತ್ತಿದರಮ್ಮ

amma ಕೃಷ್ಣ ಒಬ್ಬ ಪುಟ್ಟ ಕಂದಮ್ಮನಾಗಿ, ತನ್ನ ಅಮ್ಮ ಯಶೋಧೆಗೆ ತಾನು ಬೆಣ್ಣೆ ಕದ್ದೆ ಇಲ್ಲ ಎಂಬ  ನಟನೆ ಮಾಡುತ್ತಾನೆ, ಹಾಗೆಯೇ, ಇನ್ನು ನಂಬಿಕೆ ಬರಲೆಂದು, ಬೇರೆಯವರು ತನ್ನ ಬಾಯಿಗೆ ಬೆಣ್ಣೆ ಮೆತ್ತಿದ್ದಾರೆಂಬ ದೂರು ನೀಡುತ್ತಾನೆ. (ಕೃಷ್ಣ ದೇವರಾದರೇನು, ಅಮ್ಮನಿಗೆ ಮಗನೆ, ಹಾಗೆ ಎಲ್ಲ ಮಕ್ಕಳು ಸಹ ತಾವು ತಪ್ಪು ಮಾಡಿ, ಬೇರೆಯವರು ಮಾಡಿರೆಂದು ಹೇಳುವುದು ಒಂದು ಅಭ್ಯಾಸ, ಬಹುಶಃ ಇದನ್ನು ಕಳ್ಳ ಕೃಷ್ಣನೇ ಮಕ್ಕಳಿಗೆ ಹೇಳಿಕೊಟ್ಟಿರಬೇಕು. 🙂 
 
 
 
 
 
 
 
 
 
ನೀನೇ ನೋಡು ಬೆಣ್ಣೆ ಗಡಿಗೆ ಸೂಲಿನ ನೆಲುವಲ್ಲಿ, ಹೇಗೆ ತಾನೆ ತೆಗೆಯಲಿ ಅಮ್ಮ ನನ್ನ ಪುಟ್ಟ ಕೈಗಳಲ್ಲಿ ||ಅಮ್ಮ ||
 

   

 

 

 

 

ಶಾಮ ಹೇಳಿದ ಬೆಣ್ಣೆ ಮೆತ್ತಿದ ತನ್ನ ಬಾಯಿ ಒರೆಸುತ್ತಾ,ಬೆಣ್ಣೆ ಒರೆಸಿದ ಕೈಯ ಬೆನ್ನ ಹಿಂದೆ ಮರೆಸುತ್ತಾ ||ಅಮ್ಮ ||

                                       

ಎತ್ತಿದ ಕೈಯ ಕಡಗೋಲನ್ನು ಮೂಲೆಲಿಟ್ಟು ನಕ್ಕಳು ಸೂರದಾಸ ಪ್ರಿಯಶಾಮನ ಶಾಮನ … ಸೂರದಾಸ ಪ್ರಿಯಶಾಮನ ಮುತ್ತಿಟ್ಟು ನಕ್ಕಳು ಗೋಪಿ || ಅಮ್ಮ ||  

ನಿನ್ನ ಮಗ ಬೆಣ್ಣೆ ಕದ್ದನೆಂಬ ದೂರಿನೊಂದಿಗೆ ಬಂದ ಗೋಪಿ ಮುತ್ತಿಟ್ಟು ನಗುವಂತೆ ಮಾಡುತ್ತವೆ ಕಂದನ ನೆಪಗಳು..

 

 

 

 

 ಹೆಚ್.ಎಸ್.ವೆಂಕಟೇಶ್ ಮೂರ್ತಿ ಯವರ ರಚನೆ ಬಹಳ ಅಧ್ಭುತ

 

— ವೀಣಾ ಶಿವಣ್ಣ

 

ಟ್ಯಾಗ್ ಗಳು:

a

Blog Stats

  • 255,475 hits